СПбГУП Алматы филиалының студенттері «Үлкен этнографиялық диктант – 2026» халықаралық ағартушылық акциясына қатысты
Санкт-Петербург Кәсіподақтар гуманитарлық университетінің Алматы филиалында «Үлкен этнографиялық диктант – 2026» халықаралық ағартушылық акциясы өтті. Іс-шараға «Құқықтану» даярлау бағытының 2-курс студенттері қатысты.
Акция Россотрудничество өкілдігінің қолдауымен ұйымдастырылды. Диктантты аталған ұйымның өкілі Е. Кислицына өткізді. Ол қатысушыларды ағартушылық жобаның тарихымен, мақсаттарымен және негізгі міндеттерімен таныстырды.
Акция аясында студенттер Ресей халықтарының тарихына, мәдениеті мен дәстүрлеріне арналған тапсырмаларды орындап, этномәдени мұра саласындағы білім деңгейлерін көрсетті. Диктантқа қатысу білім алушылардың ой-өрісін кеңейтуге, мәдени әралуандылық және ұлттық дәстүрлерді сақтаудың маңызы туралы түсініктерін тереңдетуге мүмкіндік берді.
«Үлкен этнографиялық диктант» халықаралық ағартушылық акциясы 2016 жылдан бері өткізіліп келеді. Оның мақсаты – Ресей халықтары туралы білімді кеңінен тарату, тарихи-мәдени мұраны сақтау, сондай-ақ ұлтаралық және мәдениетаралық келісімді нығайту.
СПбГУП Алматы филиалы Россотрудничество өкілдігіне және Е. Кислицынаға іс-шараны ұйымдастырып, өткізгені үшін, сондай-ақ белсенділік танытып, мәдени мұраны сақтау мәселелеріне қызығушылық білдірген студенттерге алғыс білдіреді.
11 Қараша 2026
