Алматы филиалындағы студенттік өмір
Студенталдық өмір — бұл тек оқумен шектелмей, өз әлеуетін ашуға, жаңа дағдыларды меңгеруге және пікірлестер табуға арналған бірегей кезең. Сабақтан тыс қызметке қатысу көшбасшылық қасиеттерді, жауапкершілікті, қарым-қатынас жасау қабілетін және командада жұмыс істей білуді дамытуға ықпал етеді.
Алматы филиалында студенттік өзін-өзі басқару ұйымы белсенді жұмыс істейді, соның арқасында студенттер іс-шараларды ұйымдастыруға және өз бастамаларын жүзеге асыруға тікелей қатысады.
Филиалда мүдделер бойынша клубтар жұмыс істейді. Құқық, жалпы және әлеуметтік психология кафедрасының жетекшілігімен жұмыс істейтін «ПсиФактор» және «Жанды кітапхана» клубтары психология мен жеке тұлғалық дамуға қызығушылық танытатын студенттердің басын қосады. «Жанды кітапхана» клубы аясында әдеби кездесулер өтіп, оған қатысушылар оқылған кітаптардан алған әсерлерімен бөліседі, олардың мазмұны мен негізгі идеяларын талқылайды. Мұндай кездесулер өрісті кеңейтуге, танcontent сыни ойлауды және қарым-қатынас мәдениетін дамытуға септігін тигізеді.
Экономика, информатика және математика кафедрасы жетекшілік ететін Киберспорт клубы студенттерге командалық жұмыс, стратегикалық ойлау дағдылары мен цифрлық құзыреттіліктерді дамытуға мүмкіндік береді. Клуб мүшелері филиал намысын киберспорттық турнирлерде қорғап, жоғары оқу орындары арасындағы жарыстарға жүйелі түрде қатысып тұрады.
Жалпы білім беру пәндері және әлеуметтік-мәдени технологиялар кафедрасының жетекшілігіндегі «Эко-Лайф» туристік клубы жорықтар, экскурсиялар және экологиялық акциялар ұйымдастырып, экологиялық мәдениет пен командалық рухтың қалыптасуына ықпал етеді.
Студенттік өмірде спорт ерекше орын алады. Филиалда волейбол және баскетбол командалары табысты жаттығып, жоғары оқу орындары арасындағы жарыстарда филиал намысын абыроймен қорғап келеді.
Студенттік бірлестіктердің дамыған жүйесі әрбір студентке өзіне ұнайтын істі табуға, өз қабілеттерін ашуға және оқу жылдарын мазмұнды әрі қызықты өткізуге мүмкіндік береді.
24 Шілде 2026
