Ұлттық дәстүрді сақтау және насихаттау, сондай-ақ студенттерде азаматтық, мәдени әралуандық және этносаралық келісім құндылықтарын қалыптастыру аясында филиалымызда Наурыз мейрамы - көктемнің, табиғаттың жаңаруы мен шығыс күнтізбесі бойынша жаңа жылдың басталуына арналған мерекелік іс-шара өтті.

Шараға барлық бағыттың студенттері қатысты. Мерекелік іс-шара мазмұнды және түрлі бағдарламалармен жалғасын тапты.  Студенттер дайындаған музыкалық, вокалдық және би қойылымдары концерттік бағдарламаға ерекше көңіл-күй сыйлады.

Шара аясында мейрамның спорттық бөлігіне ерекше көңіл бөлінді. Алаңда дәстүрлі жарыстар өтті:

• арқан тарту,
• қол күрес,
• қазақтың ұлттық ойыны асық ату қатысушылар мен көрермендердің ерекше ықыласын тудырды.

Спорттық жарыстардың қорытындысы бойынша жеңімпаздар мен жүлдегерлер естелік сыйлықтармен және дипломдармен марапатталды, бұл студент жастар арасында дене шынықтыру белсенділігін арттырып және қолдауға жігерлендірді.

Наурыз мейрамы ұлттық салт-дәстүрлерді сақтаудың, мәдени сабақтастықты нығайтудың және студенттердің шығармашылық әлеуетін дамытудың жарқын үлгісіне айналды.

Осындай іс-шараларды өткізу студенттерде белсенді азаматтық ұстанымды қалыптастыруға, Қазақстан халықтарының мәдениетіне құрметпен қарауға және толеранттылық пен өзара түсіністік рухында тәрбиелеуге ықпал етеді.

Филиал әкімшілігі мерекені ұйымдастыруға және өткізуге қатысқан барлық студенттерге, оқытушылар мен қызметкерлерге алғыс білдіреді. Біз үшін Наурыз мейрамы әрдайым көктем, бейбітшілік пен татулықтың, жаңа бастамалардың символы болып қала береді.