2024 жылдың 28 қарашасы Алматы филиалында инновациялық жобалар байқауы өтті. Байқауға түрлі оқу орындарынан талантты студенттер мен оқушылар қатысты. Конкурсқа Абай атындағы Қазақ ұлттық педагогикалық университетінің (ҚазҰПУ), Абылай хан атындағы Қазақ халықаралық қатынастар және әлем тілдері университетінің (ҚазХҚжӘТУ), Назарбаев зияткерлік мектебінің (НЗМ) және Алматы филиалы Санкт-Петербург  гуманитарлық кәсіподақтар университетінің (АФ СПбГКУ) өкілдері қатысты.
Қызу тартыстың нәтижесінде анықталған жеңімпаздар:
1-орын АФ СПбГКУ 2-курс студенті М.В. Мастяевқа берілді. Оның «Робот-бармен қызмет көрсететін бар» атты жобасы қазылар алқасының назарын өз ерекшелігімен және технологиялық шешімдерімен баурап алды.
2-орынды Абай атындағы ҚазҰПУ студенттері: Қ. Сұлтанова, Н. Абдрахимова және А. Құрқанбек бөлісті. Олардың «Цифрлық және креативті индустрияларға арналған платформа» жобасы өзектілігі мен жоғары деңгейдегі идеялары арқылы ерекшеленді.
3-орын екі топқа бөлінді: НЗМ 11-сынып оқушылары М.Т. Жұманбаев пен А.А. Исмаилова «Тағам қалдықтарын компостқа қайта өңдеу» жобасымен, сондай-ақ Абай атындағы ҚазҰПУ студенттері К.И. Грамматикопуло, Н.А. Амитова және С.С. Есполова «Болашақ білім, мектеп әдістемесіндегі инновациялар» шеберлік сабағы жобасымен жеңімпаз атанды. Екі жоба да әлеуметтік маңыздылығымен және инновациялық шешімдерімен ерекшеленді.
Қазылар алқасы ҚазХҚжӘТУ студенті Т.М.Нұғматжановтың «Аэротакси» жобасын «Ең үздік идея» ретінде, ал АФ СПбГКУ студенті Т.Р. Жумановтың «Детейлинг студиясы» жобасын «Ең жақсы экономикалық негіздеме» ретінде атап өтті.
Байқау қатысушылар арасында үлкен қызығушылық тудырды. Олар мұндай іс-шаралар идеяларын жүзеге асыруға және ғылыми әрі шығармашылық белсенділіктерін арттыруға ықпал ететінін атап өтті. Ұйымдастырушылар барлық қатысушыларға шығармашылық көзқарастары мен ынталары үшін алғыс білдірді.
Бұл байқау студенттерді қолдаудың маңызды қадамына айналып, олардың инновациялар мен технологиялар саласындағы идеялары мен жобаларын ұсынуға бірегей мүмкіндік берді.