2024 жылдың 25 қарашасында Алматы Филиалы Санкт-Петербург гуманитарлық кәсіподақтар университетінде ивент-менеджмент бойынша қызықты шеберлік сабағы өтті. Кездесудің спикері – қазақстандық және ресейлік әртістердің тәжірибелі концерт директоры, түрлі концерттер ұйымдастырушысы, Royal Tulip қонақ үйінің ивент-менеджері әрі университетіміздің түлегі Елеулов Р.А. болды.

Шеберлік сабағының тақырыбы ивент-менеджменттің әртүрлі аспектілерін: ауқымды білім беру көрмелерін ұйымдастырудан бастап жеке, жабық кештерді өткізудің қыр-сырларын қамтыды.

Кездесу барысында Елеулов Рафаил ивент-менеджмент саласындағы мәнсапты неден бастау керектігі, іс-шараның бюджетін дұрыс есептеу жолдары және әртістермен жұмыс істегенде нені ескеру керектігі туралы толық ақпарат берді. Студенттер концерттер мен фестивальдерді табысты ұйымдастыруға қатысты көптеген практикалық кеңестер алды.

Кездесу интерактивті форматта өтті. Талқылауға «Әлеуметтік-мәдени қызмет» бағытының 2 курс студенттері белсенді қатысып, талқыланған тақырыптарға үлкен қызығушылық танытып, өз ойларымен бөлісті.  Достық атмосферада өткен кездесу студенттерді мәдениет саласындағы жаңа идеялар мен жобаларға шабыттандырды.

Шеберлік сабағының соңында студенттер Елеулов Рафаилға құнды ақпараты мен пайдалы кеңестері үшін алғыс білдіріп, мұндай іс-шаралар мамандықтың ерекшеліктерін тереңірек түсінуге және қажетті дағдыларды меңгеруге көмектесетінін атап өтті.

Филиалымыз ивент-менеджмент саласындағы ынтымақтастықтың одан әрі жемісті жалғасын табатынына үміттенеді!